సారథి న్యూస్, రామడుగు: ఓ నిరుపేద ముస్లిం మహిళకు ఎన్ఆర్ఐ ఆర్థికసాయం చేసి పెద్దమనసు చాటుకున్నారు. కరీంనగర్ జిల్లా రామడుగు గ్రామానికి చెందిన ఎక్బల్ శాహన సుల్తానా అనే మహిళ తన కూతరు హీనాకు వివాహం చేసేందుక ఇబ్బందులు పడుతుండగా.. గ్రామానికి చెందిన ఎన్ఆర్ఐ సత్యం రూ.20వేల ఆర్థిక సాయం అందజేశారు. నగదును గ్రామసర్పంచ్ పంజాల ప్రమీల, సుల్తానాకు అందజేశారు. కార్యక్రమంలో కాంగ్రెస్ నాయకులు నాగి శేఖర్, ఖాజీసాహబ్, మజీద్ పాల్గొన్నారు.
