సారథి న్యూస్, సిద్దిపేట: మంత్రి టి.హరీశ్రావు ఆదివారం సిద్దిపేట పట్టణంలోని హనుమాన్ నగర్ వీధిలో పర్యటించారు. ఇంటి పరిసరాల్లో నిల్వ ఉన్న నీటిని పారబోయాలని, ప్రతి ఆదివారం డ్రై డే పాటించాలని సూచించారు. డెంగీ, చికున్గున్యా, కలరా వంటి వ్యాధులకు కారణమవుతున్న దోమలు పెరగకుండా జాగ్రత్తలు తీసుకోవాలని సూచించారు. కరోనా రాకుండా జాగ్రత్తలు తీసుకోవాలన్నారు. అత్యవసరమైతేనే బయటికి వెళ్లాలని, తప్పకుండా మాస్కులు కట్టుకోవాలని అవగాహన కల్పించారు.
సారథి న్యూస్, సిద్దిపేట: సిద్దిపేట జిల్లా కేంద్రంలోని గణేశ్నగర్ లో మంత్రి హరీశ్రావు ఆదివారం డ్రై డేలో పాల్గొన్నారు. ప్రతి పౌరుడు తమ ఇంటి పరిసరాలను ప్రతి ఆదివారం శుభ్రంచేసుకోవాలని సూచించారు. సీజనల్ వ్యాధులు ప్రబలకుండా జాగ్రత్తగా ఉండాలని కోరారు.
మంత్రి కేటీఆర్ సారథి న్యూస్, హైదరాబాద్: పదివారాల పాటు డ్రై డే కార్యక్రమం నిర్వహించాలని మంత్రి కేటీఆర్ పిలుపునిచ్చారు. డ్రై డేలో భాగంగా ఆదివారం హైదారాబాద్ ప్రగతిభవన్ లోని గార్డెన్ పూలకుండీలతో పాటు తొట్టిల్లో నిండిన నీటిని శుభ్రంచేశారు. సీజనల్ వ్యాధులను అరికట్టేందుకు రాష్ట్రప్రభుత్వం చేపడుతున్న కార్యక్రమాల్లో స్వచ్ఛందంగా ప్రజలు కలిసి రావాలని మంత్రి కేటీఆర్ పిలుపునిచ్చారు.
