చెన్నై: తమిళనాడు గవర్నర్ అధికారిక నివాసం రాజ్భవన్లో పనిచేస్తున్న 84 మంది సిబ్బందికి కరోనా పాజిటివ్గా నిర్ధారణ అయ్యింది. మొత్తం 147 మందికి పరీక్షలు చేయగా 84 మందికి కరోనా సోకడంతో ఒక్కసారిగా ఆందోళన నెలకొన్నది. వీరంతా రాజ్భవన్ పరిసరాల్లోనే విధులు నిర్వర్తిస్తున్నారు. ఈ 84 మందిలో ఏ ఒక్కరూ కూడా ఇటీవల గవర్నర్ బన్వర్లాల్ పురోహిత్ను కాంటాక్ట్ కాలేదని అక్కడి అధికారులు తెలిపారు.
ముంబై: మహారాష్ట్ర గవర్నర్ భగత్సింగ్ కొశ్యారీ సెల్ఫ్ ఐసోలేషన్లోకి వెళ్లిపోయారు. రాజ్భవన్లో పనిచేస్తున్న 16 మంది సిబ్బందికి కరోనా పాజిటివ్గా నిర్ధారణ కావడంతో ఆయన ఈ నిర్ణయం తీసుకున్నారు. కాగా త్వరలోనే ఆయనకు కరోనా పరీక్షలు చేస్తామని అధికారులు తెలిపారు. మహారాష్ట్ర గవర్నర్ కార్యాలయంలో మొత్తం 100 మందికి పరీక్షలు చేయగా 16 మందికి కరోనా పాజిటివ్ వచ్చింది.
