సారథిన్యూస్, అమరావతి: సీనియర్ రాజకీయనేతను అని చెప్పుకొనే చంద్రబాబుకు ఈ మధ్య షాక్ల మీద షాక్లు తగులుతున్నాయి. ఇప్పటికే పలువురు ఎమ్మెల్యేలు పార్టీకి రాజీనామా చేయగా తాజాగా టీడీపీ పొలిట్బ్యూరో సభ్యురాలు గల్లా అరుణకుమారి తన పదవికి రాజీనామా చేశారు. త్వరలోనే పార్టీకి కూడా గుడ్బై చెప్పనున్నట్టు సమాచారం.
అరుణకుమారి సుధీర్ఘకాలంపాటు కాంగ్రెస్‌ హయాంలో మంత్రిగా పనిచేశారు. విభజన అనంతరం ఆమె టీడీపీలో చేరారు. ఆమె తనయుడు గల్లా జయదేవ్ ప్రస్తుతం గుంటూరు ఎంపీగా కొనసాగుతున్నారు. అంతకుముందు 2014లో ఆయన అదే స్థానం నుంచి గెలుపొందారు. ప్రస్తుతం కొంతకాలంగా తల్లీ కొడుకులు ఇద్దరూ పార్టీ కార్యకలాపాలకు దూరంగా ఉంటున్నట్టు సమాచారం. త్వరలోనే గల్లా జయదేవ్ కూడా పార్టీని విడనున్నట్టు సమాచారం. ఆయన బీజేపీలో చేరతారని కొంతకాలంగా వార్తలు వినిపిస్తున్నాయి.
