సారథి న్యూస్, రామాయంపేట: పాము చిన్నదైనా పెద్దకర్రతో కొట్టాలని పెద్దలు చెబుతుంటారు. 8 అడుగుల పామును చూస్తే ఎవరైనా ప్రాణాలు అరచేతిలో పెట్టుకుని పరుగులు తీస్తారు. మెదక్ జిల్లా నిజాంపేట మండలం కల్వకుంట గ్రామానికి చెందిన ఓ రైతు పొలంలో వ్యవసాయ పనుల్లో బిజీగా ఉండగా సుమారు 8అడుగుల జెర్రిపోతు పాము కనిపించింది. మొదట్లో దాన్ని చూసి భయపడిన తర్వాత చుట్టుపక్కల రైతుల సహాయంతో కొట్టి చంపారు. పాము చనిపోయిన తర్వాత దానితో కొందరు ఫొటోలు దిగారు.
–ఇంటి గోడలో 33 పాములు సారథి న్యూస్, నర్సాపూర్: మెదక్ జిల్లా కౌడిపల్లిలోని కొత్తకాలనీలో ఇట్టబోయిన మల్లమ్మ ఇంట్లో ఓ పాము, 32 పాము పిల్లులు వెలుగు చూడడం కలకలం చెలరేగింది. ఇంట్లో రెండు రోజుల క్రితం ఒకపాము బయటకు రావడంతో ఏమిటా? అని గమనించిన కుటుంబసభ్యులు శుక్రవారం ఇంటి గోడను కూలగొట్టడంతో ఒక్కసారిగా పాములన్నీ బయటకు వచ్చాయి. వాటిని చంపేశారు.
