సచిన్ వర్సెస్ వార్న్
లెజెండ్ సచిన్ టెండూల్కర్, ఆస్ట్రేలియా స్పిన్ దిగ్గజం షేన్ వార్న్ మధ్య క్రికెట్‌ గ్రౌండ్‌లో జరిగిన బెస్ట్ మ్యాచ్ లను హైదరాబాదీ వీవీఎస్ లక్ష్మణ్‌ గుర్తుచేశాడు. చెన్నై చిదంబరం స్టేడియంలో 1988లో ఇండియా, ఆస్ట్రేలియా మధ్య టెస్ట్ మ్యాచ్ సందర్భంగా జరిగిన ఆసక్తికర సంఘటనలను వెల్లడించాడు. ‘ఈ మ్యాచ్ కోసం సచిన్ బాగా ప్రిపేరయ్యాడు. వార్న్ కూడా సూపర్ ఫామ్ లో ఉన్నాడు. కానీ దురదృష్టవశాత్తు మాస్టర్ తొలి ఇన్నింగ్స్ లో 4 రన్ లకే ఔటయ్యాడు.
ఓ ఫోర్ కొట్టి ఆ వెంటనే మిడాన్ మీదుగా భారీ షాట్ ఆడాడు. కానీ బాల్ బాగా టర్న్ కావడంతో టేలర్ కు చిక్కాడు. ఔట అయ్యానన్న బాధలో సచిన్ ఫిజియో రూమ్‌లోకి వెళ్లి తలుపులు వేసుకున్నాడు. దాదాపు గంట తర్వాత బయటికి వచ్చాడు. అప్పుడు అతని కళ్లు ఎర్రగా మారాయి. అంత ఈజీగా వికెట్ ఇచ్చుకున్నందుకు చాలా భావోద్వేగానికి గురయ్యాడు.
కానీ సెకండ్‌ ఇన్నింగ్స్ లో మాత్రం చాలా భిన్నంగా, తెలివిగా ఆడాడు. వార్న్ లెగ్ స్టంప్‌ మీదుగా రఫ్ ఏరియాల్లో వేసిన బాల్స్ ను రోప్ దాటించాడు. వార్న్ లెంగ్త్ బాల్స్ వేస్తే సచిన్.. మిడాన్, మిడాఫ్‌ మీదుగా షాట్లు బాదేస్తూ సెంచరీ(155) కొట్టేశాడు. సచిన్, వార్న్ మధ్య నేను చూసిన బెస్ట్ మ్యాచ్ ఇదే’ అని వీవీఎస్ వివరించాడు.
