సారథి న్యూస్, హైదరాబాద్: తెలంగాణలో శనివారం 253 కరోనా పాజిటివ్ కేసుల నమోదయ్యాయి. 24 గంటల్లో 8 మంది చనిపోయారు. ఇప్పటి వరకు 182 మంది చనిపోయారు. జీహెచ్ఎంసీ పరిధిలో 179 కేసులు, సంగారెడ్డి జిల్లా నుంచి 24 పాజిటివ్ కేసులు, మేడ్చల్ జిల్లా నుంచి 14 కేసులు, రంగారెడ్డి జిల్లాలో 11, మహబూబ్ నగర్లో నాలుగు, వరంగల్ రూరల్ జిల్లాలో రెండు, వరంగల్ అర్బన్ జిల్లాలో రెండు, కరీంనగర్ రెండు, నల్లగొండ రెండు, ములుగు రెండు, రాజన్న సిరిసిల్ల రెండు, మంచిర్యాల జిల్లాలో రెండు చొప్పున పాజిటివ్ కేసులు నమోదయ్యాయి. రాష్ట్రంలో పాజిటివ్ కేసుల సంఖ్య 4737కు చేరింది. వివిధ ఆస్పత్రుల్లో చికిత్సపొందుతూ 2,352 మంది డిశ్చార్జ్ అయ్యారు. 2,203 మంది బాధితులు చికిత్స పొందుతున్నారు.
