కర్ణాటక సినీ పరిశ్రమను డ్రగ్స్ కేసు కుదిపేస్తున్నది. ఇప్పటికే హీరోయిన్లు సంజనా గల్రానీ, రాగిణి డ్రగ్స్కేసులో అరెస్టయ్యారు. అయితే వారు సెక్స్ రాకెట్ కూడా నడుపుతున్నట్టు పోలీసులు విచారణలో తేలింది. మరోవైపు సంజనా, రాగిణి ఎవరిపేరు బయటపెడతారో అని సర్వత్రా టెన్షన్ నెలకొన్నది. అయితే ఇటీవల ఈ కేసులో కర్ణాటకకు చెందిన ప్రముఖ టీవీ యాంకర్ అనుశ్రీని పోలీసులు విచారణకు పిలించారు. దీంతో అనుశ్రీ డ్రగ్స్కేసులో ఇరుక్కున్నదంటూ మీడియాలో కథనాలు వెలువడ్డాయి. ఈ క్రమంలో అనుశ్రీ ఇన్స్టాలో ఓ వీడియోను పోస్ట్చేశారు. తాను కేవలం విచారణకు మాత్రమే వెళ్లానని.. ఏ తప్పు చేయలేదని.. మీడియా తనపై అనవసరంగా దుష్ప్రచారం చేస్తున్నదని ఆవేదన వ్యక్తం చేసింది. ప్రస్తుతం ఈ వీడియో నెట్టింట్లో వైరల్గా మారింది.
