నాగ్‌పూర్‌: మద్యం దొరకలేదని శానిటైజర్ తాగిన ఓ వ్యక్తి ప్రాణాలు కోల్పోయాడు. మహారాష్ట్రలోని నాగ్పూర్కు చెందిన గౌతమ్ గోస్వామి (45) స్థానిక మున్సిపాలిటీలో క్లీనింగ్ వర్కర్గా పనిచేస్తున్నాడు. మద్యం దొరకపోవడంతో శానిటైజర్ తాగితే కిక్కు వస్తుందని భావించిన గోస్వామి తన ఇంట్లో ఉన్న శానిటైజర్ను తాగాడు. దీంతో అతడు అస్వస్థతకు గురయ్యాడు. గమనించిన స్థానికులు అతడిని దవాఖానకు తీసుకెళ్లారు. అక్కడి వైద్యలు చికిత్సచేసి పంపించారు. రెండ్రోజుల అనంతరం ఆరోగ్యం క్షీణించి మృతిచెందాడు.
