సారథి న్యూస్, కర్నూలు: కర్నూలు జిల్లాలో గ్రామ, వార్డు సచివాలయ ఉద్యోగాల భర్తీకి చేపట్టిన రాత పరీక్షలు తొలిరోజు విజయవంతంగా ముగిశాయిని జిల్లా కలెక్టర్ జి.వీరపాండియన్ చెప్పారు. ఆదివారం మధ్యాహ్నం కర్నూలు నగరంలోని విద్యానగర్ మాంటిస్సోరి హైస్కూలు, ఎన్ఆర్ పేట సెయింట్ జోసఫ్ ఇంగ్లిష్ మీడియం స్కూలు ఎగ్జామ్ సెంటర్ను కలెక్టర్ జి.వీరపాండియన్ ఆకస్మికంగా తనిఖీ చేశారు. 127 పరీక్ష కేంద్రాల్లో మొదటి రోజు ఉదయం జరిగిన పరీక్షకు 76.77 శాతం మంది హాజరయ్యారని తెలిపారు. ఈ పరీక్షకు 34,367 మంది అభ్యర్థులు దరఖాస్తు చేసుకోగా 26,382 మంది రాశారని పేర్కొన్నారు. ఎస్పీ డాక్టర్ కె.ఫక్కీరప్ప, జేసీ(రెవెన్యూ) రవి పట్టన్ షెట్టి, జేసీ(సంక్షేమం) సయ్యద్ ఖాజా మొహిద్దీన్, కర్నూలు మున్సిపల్కమిషనర్ డీకే బాలాజీ, నంద్యాల సబ్ కలెక్టర్ కల్పన కుమారి, జడ్పీ సీఈవో వెంకట సుబ్బయ్య, స్టేట్ స్పెషల్ ఆఫీసర్ శంకర్ నాయక్ పాల్గొన్నారు.
