సారథి న్యూస్, ములుగు: కరోనా సెకండ్ వేవ్ నేపథ్యంలో విదేశాల నుంచి వచ్చిన వారిని 15 రోజుల వరకు క్వారంటైన్లో ఉంచాలని ములుగు జిల్లా కలెక్టర్ ఎస్.కృష్ణాఆదిత్య సూచించారు. కరోనా పట్ల ప్రజలు అప్రమత్తంగా ఉండాలని ఆదేశించారు. బుధవారం జిల్లా కలెక్టర్ కాన్ఫరెన్స్ హాల్లో ములుగు, భూపాలపల్లి జిల్లాల వైద్యాశాఖ అధికారులతో కోవిడ్ -19 వాక్సిన్ పై జిల్లా టాస్క్ ఫోర్స్ కమిటీ మీటింగ్ నిర్వహించారు. ముఖ్యఅతిథిగా ఆయన హాజరయ్యారు. ఈ సందర్భంగా కలెక్టర్ మాట్లాడుతూ.. పీహెచ్సీల్లో కరోనా వ్యాక్సిన్ను భద్రపరిచేందుకు ఉన్న అవకాశాలపై ఆరాతీశారు. వ్యాక్సిన్ను ముందుగా ఎవరి ఇవ్వాలో సిద్ధం చేసుకోవాలని ఆదేశించారు. ఐదేళ్లలోపు పిల్లలు 21,172 ఉన్నారని, వారికి వ్యాక్సినేషన్ కోసం 312 కేంద్రాలను ఏర్పాటు చేసినట్లు వివరించారు. కార్యక్రమంలో అడిషనల్ కలెక్టర్ ఆదర్శ సురభి, ములుగు ఆర్డీవో రమాదేవి, డాక్టర్శ్యాం, ప్రోగ్రాం ఆఫీసర్ రాజకుమార్, సంబంధిత అధికారులు పాల్గొన్నారు.
