తొలుత కొంత చప్పగా సాగిన బిగ్బాస్ హౌస్ ఈ మధ్య ఊపందుకున్నది. బిగ్బాస్ ఇస్తున్న వైవిధ్యభరితమైన టాస్కులతో ప్రేక్షకుల్లోనూ కొంత ఆసక్తి పెరిగింది. అయితే హౌస్ లో వినోదం కాస్త తగ్గడంతో ఇప్పటికే ముక్కు అవినాశ్, కుమార్ సాయి అనే ఇద్దరు కమెడీయన్లను దించారు. అవినాశ్ కాస్త బాగానే వినోదం పండిస్తున్నా.. కుమార్సాయి మాత్రం ఆశించిన స్థాయిలో పర్ఫామెన్స్ ఇవ్వడం లేదు. ఈ క్రమంలో మరో హాట్ హీరోయిన్ వైల్డ్ కార్డు ఎంట్రీ ద్వారా హౌస్లోకి అడుగుపెట్టబోతున్నట్టు సమాచారం. జంప్ జిలానీ సినిమా హీరోయిన్ స్వాతి దీక్షిత్ ఇవాలో రేపో.. బిగ్ బాస్-4వ సీజన్ లోకి అడుగుపెట్టనుంది. ఇప్పటికే హౌస్లో ఉన్న హీరోయిన్ మొనాల్తో ఇద్దరు కంటెంటెస్టులో లవ్లో పడ్డారు. వారి ప్రేమాయణం జోరుగా సాగుతున్నది. ఈ క్రమంలో ఈ హాట్ హీరోయిన్ ఎంట్రీ ఇస్తే హౌస్లోని కుర్రాళ్లు మరింత రెచ్చిపోతారేమో వేచిచూడాలి.
