అమరావతి: అసెంబ్లీ ఎన్నికల్లో ఓడిపోయింది మొదలు.. టీడీపీకి వరుస ఎదురుదెబ్బలు తగులుతున్నాయి. ఆ పార్టీ అధినేత చంద్రబాబు వయస్సు మీదపడటం.. యువనేత లోకేశ్ మీద పార్టీ నేతలకు నమ్మకం లేకపోవడంతో కీలకనేతలందరూ ఒక్కొక్కరుగా పార్టీని వీడుతున్నారు. తాజాగా టీడీపీ నేత, రాజమండ్రి రూరల్ మాజీ ఎమ్మెల్యే చందన రమేశ్ టీడీపీకి గుడ్బై చెప్పారు. తాడేపల్లిలోని క్యాంప్‌ కార్యాలయంలో సీఎం వైఎస్ జగన్ మోహన్ రెడ్డి సమక్షంలో చందన రమేశ్ వైఎస్సార్సీపీ కండువా కప్పుకున్నారు. ఆయనతో పాటు కుమారుడు నాగేశ్వర్ కూడా వైఎస్సార్సీపీలో చేరారు. ఈ సందర్భంగా చందన రమేష్, ఆయన కుమారుడు నాగేశ్వర్‌ను జగన్ సాదరంగా తన పార్టీలోకి ఆహ్వానించారు. కార్యక్రమంలో రాజమండ్రి ఎంపీ మార్గాని భరత్‌ పాల్గొన్నారు.
