జలవివాదంపై కేంద్రం జోక్యం

సారథిన్యూస్​, హైదరాబాద్​: కృష్ణా నదిపై చేపట్టనున్న ప్రాజెక్టులపై కొంతకాలంగా ఏపీ, తెలంగాణ మధ్య వివాదం నెలకొన్న విషయం తెలిసిందే. ఆంధ్రప్రదేశ్​ ప్రభుత్వం తలపెట్టిన రాయలసీమ ఎత్తిపోతల పథకాన్ని వెంటనే ఆపాలని తెలంగాణ సర్కార్​ డిమాండ్​ చేస్తున్నది. ఈ విషయంపై సుప్రీంకోర్టులోనూ పిటిషన్​ వేసింది టీ సర్కారు. అయితే శ్రీశైలం ఎడమగట్టు వద్ద తెలంగాణ జలవిద్యుత్ ఉత్పత్తి చేయడంపై ఏపీ సర్కార్ అభ్యంతరాలు వ్యక్తం చేస్తోంది. కాగా ఈ వివాదంపై తాజాగా కేంద్రప్రభుత్వం జోక్యం చేసుకున్నది. అపెక్స్​ కౌన్సిల్​ అనుమతి లేకుండా రెండు రాష్ట్రాల వారు కొత్తప్రాజెక్టులు చేపట్టవద్దని కేంద్ర జలవనరులశాఖ మంత్రి ఇరు రాష్ట్రాల సీఎంలకు లేఖ రాశారు. త్వరలోనే అపెక్స్​ కౌన్సిల్​ రెండో భేటీ నిర్వహించాలని కోరారు. రెండు రాష్ట్రాల మధ్య సమన్వయం లోపించిందని.. జలవివాదాలపై చర్చించడం కోసం అపెక్స్ కమిటీ సమావేశం కావాలని సూచించారు.