అనుమతులు లేకుండా సినిమా షూటింగ్ చేస్తుండటంతో తెలుగు సినీహీరో అల్లూ అర్జున్పై ఆదిలాబాద్ జిల్లా నేరడిగొండ పీఎస్లో కేసు నమోదైంది. కరోనా నేపథ్యంలో ఆదిలాబాద్ జిల్లాలోని కుంటాల జలపాతం సందర్శనను రాష్ట్ర ప్రభుత్వం నిషేధం విధించింది. అయితే అల్లూ అర్జున్, పుష్ప చిత్ర యూనిట్ కుంటాల జలపాతాన్ని సందర్శించడమే కాక అక్కడికి సమీపంలోని తిప్పేశ్వర్ అటవీప్రాంతంలో షూటింగ్ చేశారు. దీంతో సమాచార హక్కు సాధన స్రవంతి ప్రతినిధులు పోలీసులకు ఫిర్యాదు చేశారు. అల్లు అర్జున్, పుష్ప సినిమా యూనిట్ కోవిడ్ నిబంధనలు ఉల్లంఘించారని, అందుకే వారిపై కేసు నమోదు చేసినట్టు పోలీసులు పేర్కొన్నారు. ఈ సందర్భంగా సమాచార హక్కు సాధన స్రవంతి రాష్ట్ర ప్రధాన కార్యదర్శి దేవులపల్లి కార్తిక్ రాజు మాట్లాడుతూ.. సామాన్యులకే తప్ప సినిమా వాళ్లకు నిబంధనలు వర్తించవా అంటూ ప్రశ్నించారు. పోలీసులు ఒత్తిడికి తలొగ్గకుండా చర్యలు తీసుకోవాలని కోరారు.
