ముంబై: బాలీవుడ్ స్టార్ హీరోయిన్ సోనాక్షి సిన్హాను దూషిస్తూ.. ఔరంగాబాద్ కు చెందిన ఓ యువకుడు (27) సోషల్ మీడియాలో పోస్ట్చేశాడు. దీంతో సోనాక్షి ముంబై సైబర్ క్రైం పోలీసులకు ఫిర్యాదు చేశారు. స్పందించిన పోలీసులు నిందితుడిని అరెస్టు చేశారు. ఆన్‌లైన్ వేధింపులపై ముంబై సైబర్ పోలీసులు తీసుకున్న చర్యలకు సోనాక్షి ఇన్‌స్టాగ్రామ్ వీడియో ద్వారా కృతజ్ఞతలు తెలిపారు. ‘ఆన్‌లైన్ లో వేధింపులు నేను సహించను. అందుకే ఫిర్యాదు చేశారు. నా ఫిర్యాదుకు స్పందించిన ముంబై పోలీసులకు ప్రత్యేక కృతజ్ఞతలు. మిమ్మల్ని కూడా ఎవరైనా ఆన్ లైన్ లో వేధిస్తే పోలీసులకు ఫిర్యాదు చేయండి’ అంటూ సోనాక్షి ఇన్‌స్టాగ్రామ్లో పోస్ట్ చేశారు.
