![](https://i0.wp.com/samajikasarathi.com/wp-content/uploads/2020/07/ENCOUNTERRRF.jpg?fit=900%2C450&ssl=1)
లక్నో: యూపీలో ఎనిమిది మంది పోలీసులను దారుణంగా హత్యచేసిన గ్యాంగ్స్టర్ వికాస్దూబే ప్రధాన అనుచరుడు అమర్దూబేను పోలీసులు కాల్చిచంపారు. ఉత్తర్ప్రదేశ్ హమీర్పూర్ జిల్లాలోని ఓ ప్రాంతంలో అతడు తలదాచుకున్నట్టు పోలీసులకు సమాచారం అందింది. దీంతో స్పెషల్ టాస్క్ఫోర్స్ పోలీసులు బుధవారం అతడిని అదుపులోకి తీసుకొనేందుకు వెళ్లారు. దీంతో అతడు పోలీసులపై కాల్పులు జరిపారు. అనంతరం పోలీసులు జరిపిన ఎదురు కాల్పుల్లో అమర్ హతమయ్యాడని ఆరాష్ట్ర అదనపు డీజీపీ ప్రశాంత్కుమార్ వెల్లడించాడు. అమర్దూబేపై రూ.25 వేల రివార్డు ఉంది. కాగా వికాస్దూబే కోసం 40 ప్రత్యేకబృందాలు గాలిస్తున్నాయి. ఉత్తరాఖండ్ లేదా హరియానా రాష్ట్రంలో వికాస్ దూబే తలదాచుకున్నట్టు సమాచారం.