సారథి న్యూస్, హైదరాబాద్: జీహెచ్ఎంసీ ఎన్నికల్లో మంగళవారం పలువురు ప్రముఖులు తమ ఓటు హక్కును వినియోగించుకున్నారు. టీఆర్ఎస్ వర్కింగ్ ప్రెసిడెంట్, మంత్రి కె.తారకరామారావు, ఎమ్మెల్సీ కల్వకుంట్ల కవిత, హోంమంత్రి, డిప్యూటీ సీఎం మహమూద్అలీ, డీజీపీ ఎం.మహేందర్రెడ్డి కుందన్బాగ్ పోలింగ్ బూత్లో, హైదరాబాద్ పోలీస్ కమిషనర్ సజ్జనార్ కుటుంబసమేతంగా తమ ఓటువేశారు. అలాగే సికింద్రాబాద్ లోని ఇస్లామియా స్కూలులో డిప్యూటీ స్పీకర్ టి.పద్మారావు తన ఓటు హక్కును వినియోగించుకున్నారు. ఖైరతాబాద్ సర్కిల్ సోమాజిగూడ వార్డు నం.97, సెంటర్ ఫర్ ఎకనామిక్ అండ్ సోషల్ వద్ద పోలింగ్ నంబర్ 3లో తెలంగాణ రాష్ట్ర గిరిజన, మహిళా శిశు సంక్షేమశాఖ మంత్రి సత్యవతి రాథోడ్ ఓటు వేశారు. ఈ సందర్భంగా డీజీపీ ఎం.మహేందర్రెడ్డి మాట్లాడుతూ.. ప్రజలంతా ధైర్యంగా తమ ఓటుహక్కును వినియోగించుకున్నారని అన్నారు. పోలింగ్ ప్రశాంతంగా జరిగేందుకు పోలీసుశాఖ అన్నిరకాల చర్యలు తీసుకుందని వివరించారు.
