పుణే: కరోనా వ్యాక్సిన్ తయారీలో భారత్కు చెందిన పలు ఫార్మా కంపెనీలు పురోగతి సాధిస్తున్న విషయం తెలిసిందే. ఈ క్రమంలో పుణేలోని సీరం ఇన్స్టిట్యూట్ ఆఫ్ ఇండియా కూడా కరోనా వ్యాక్సిన్ తయారు చేస్తున్నది. సీరం ఇన్స్టిట్యూట్ ఆఫ్ ఇండియా కంపెనీ.. బిల్ అండ్ మెలిండా గేట్స్ ఫౌండేషన్, అంతర్జాతీయ వ్యాక్సిన్ కూటమి (జీఏవీఐ) భాగస్వామ్యంతో భారతదేశంతో సహా 92 దేశాలకు 100 మిలియన్ల డోసులను ఉత్పత్తి చేస్తున్నది. కాగా దీని ధర రూ. 225 గా నిర్ధారించినట్టు విశ్వసనీయ సమాచారం. కేంద్రప్రభుత్వం, రాష్ట్రాల భాగస్వామ్యంతో ఈ వ్యాక్సిన్ డోసులను కొనుగోలు చేసి ప్రజలకు ఉచితంగా పంపిణీ చేయాలని యోచిస్తున్నది.
