- వైద్య ఆరోగ్య శాఖ కమిషనర్ వాకటి కరుణ
సామాజిక సారథి, ములుగు ప్రతినిధి: ములుగు జిల్లాకు కేటాయించిన హెల్త్ ప్రొఫైల్ ను శ్రద్ధతో ఇప్లిమెంటేషన్ చేయాలని వైద్య ఆరోగ్య శాఖ కమిషనర్ వాకటి కరుణ ఆదేశించారు. జిల్లా కలెక్టరేట్ లోని కాన్ఫరెన్స్ హాలులో తెలంగాణ హెల్త్ ప్రొఫైల్ ను డైరెక్టర్ ఆఫ్ హెల్త్ శ్రీనివాస్, సీఎం కార్యాలయం ప్రత్యేక అధికారి గంగాధర్, జిల్లా కలెక్టర్ కృష్ణ ఆదిత్య, జిల్లాలోని మెడికల్ ఆఫీసర్స్ తో కలిసి ఆమె సమీక్ష సమావేశాన్ని మంగళవారం నిర్వహించారు. జిల్లాలో పర్యటించి పరిస్థితులకు అనుకూలంగా హెల్త్ ప్రొఫైల్ ను ఇంప్లిమెంటేషన్ చేసే విధానంపై ట్రైనింగ్ ఇవ్వాలని సూచించారు. కార్యక్రమంలో ఏరియా ఆసుపత్రి సూపరింటెండెంట్ జగదిశ్వర్, ఏటూరు నాగారం సూపరింటెండెంట్ సురేష్ కుమార్, డా. రవీందర్, జిల్లాలోని మెడికల్ ఆఫీసర్స్, తదితరులు పాల్గొన్నారు.
