సామాజిక సారథి, నాగర్కర్నూల్ ప్రతినిధి: మహబూబ్నగర్ జిల్లా స్థానిక సంస్థల నుంచి ఎమ్మెల్సీలుగా ఏకగ్రీవంగా ఎన్నికైన కూచకుళ్ల దామోదర్రెడ్డి, కసిరెడ్డి నారాయణరెడ్డి మంత్రి వి.శ్రీనివాస్గౌడ్తో కలిసి గురువారం సాయంత్రం టీఆర్ఎస్ వర్కింగ్ ప్రెసిడెంట్, మంత్రి కె.తారక రామారావును హైదరాబాద్లో మర్యాదపూర్వకంగా కలిశారు. ఎమ్మెల్సీ ఎన్నికల్లో విజయం సాధించడంతో మంత్రులు వారికి బొకే అందజేసి, శాలువా కప్పి సన్మానించారు. ఇద్దరు సిట్టింగ్ ఎమ్మెల్సీల ఏకగ్రీవ ఎన్నికకు సహకరించిన ఉమ్మడి మహబూబ్నగర్ జిల్లా ఎమ్మెల్యేలు, జెడ్పీచైర్మన్లు, జెడ్పీటీసీలు, ఎంపీపీలు, ఎంపీటీలు, ఇతర స్థానిక సంస్థల ప్రతినిధుల కృషిని మంత్రులు ప్రశంసించారు. మంత్రి కేటీఆర్ను కలిసిన వారిలో కూచకుళ్ల దామోదర్రెడ్డి కుమారుడు, యువనేత డాక్టర్ కూచకుళ్ల రాజేశ్రెడ్డి ఉన్నారు.
