![కళాకారుడు చిన్నయ్యకు నాటక అకాడమీ అవార్డు](https://i0.wp.com/samajikasarathi.com/wp-content/uploads/2021/03/mnpd2.jpg?fit=677%2C350&ssl=1)
సారథి, మానవపాడు: జోగుళాంబ గద్వాల జిల్లా మానవపాడు మండల కేంద్రానికి చెందిన మాజీ సర్పంచ్ జగ్గుల చిన్నయ్యకు తెలంగాణ సాంస్కృతిక నాటక అకాడమీ ఉత్తమ అవార్డు దక్కింది. ఈ అవార్డును రవీంద్రభారతిలో ఏర్పాటుచేసిన కార్యక్రమంలో మంత్రి శ్రీనివాస్ గౌడ్ చేతులమీదుగా ఆయన అందుకున్నారు. ఈ సందర్భంగా జెగ్గుల చిన్నయ్య మాట్లాడుతూ.. 40 ఏళ్ల నుంచి కళాకారుడుగా శ్రీకృష్ణరాయబారం, చింతామణి హరిశ్చంద్ర నాటకాల్లో పలు పాత్రలను పోషించి కళాభిమానుల ఆదరణ పొందినందుకు గుర్తింపుగా తనకు అవార్డు రావడం సంతోషంగా ఉందన్నారు. చిన్నయ్యకు మానవపాడు గ్రామస్తులు, కళాభిమానులు, అలంపూర్ నియోజకవర్గ రంగస్థల కళాకారుల కమిటీ సభ్యులు అభినందనలు తెలిపారు.