సామజిక సారధి,అబ్దుల్లాపూర్మెట్: అనుమతులు లేకుండా అక్రమ నిర్మాణాలు చేపడితే చర్యలు తప్పవని కమిషనర్ రామానుజులరెడ్డి హెచ్చరించారు. ఈ సందర్బంగా ఆయన మాట్లాడుతూ పెద్దఅంబర్ పేట్ మున్సిపాలిటీ పరిధిలోని 5వ వార్డు పరిధి సర్వే నెంబర్ 326, నుండి 335 సదాశివా హవెన్స్ కాలనీలో ప్రభుత్వ నిబంధనలకు విరుద్దంగా ఇండ్ల నిర్మాణాలు జరుగుతున్నాయని చెప్పారు. మున్సిపల్ కమిషనర్ ఆదేశాల మేరకు అక్రమంగా చేపడుతున్న భవన నిర్మాణాలను నిలిపివేశారు. పట్టణంలో అనుమతులు తీసుకున్న తరువాతనే నిర్మాణాలు చేపట్టాలని లేకుంటే, కూల్చివేతలు తప్పవని హెచ్చరించారు. ఈ కార్యక్రమంలో టీపీఓ శైలజ, ఆర్ఐ శివరాంరెడ్డి, మున్సిపల్ సిబ్బంది తదితరులు పాల్గొన్నారు.
