ఎర్నాకుళం: మహిళలపై దాడులు, అకృత్యాలు కొనసాగుతూనే ఉన్నాయి. తాజాగా 75 ఏళ్ల బామ్మపై ఇద్దరు దుర్మార్గులు లైంగికదాడికి పాల్పడ్డారు. కేరళ రాష్ట్రంలోని ఎర్నాకుళంలో ఈ దారుణం చోటుచేసుకున్నది. ప్రస్తుతం బాధితురాలు దవాఖానలో చికిత్సపొందుతున్నది. ఎర్నాకుళంలో ఉంటున్న ఓ వృద్ధురాలికి మతిస్థిమితం లేదు. దీంతో ఆమెను ఇద్దరు దుర్మార్గులు బలవంతంగా ఓ ఇంట్లోకి తీసుకెళ్లారు. మద్యం మత్తులో లైంగికదాడికి పాల్పడటమేకాక ఆమెను చిత్రహింసలకు గురిచేశారు. మరో 66 ఏండ్ల వృద్ధురాలు నిందితులకు సహకరించినట్టు సమాచారం. ఈ కేసులో పోలీసులు ఇద్దరు యువకులను, వారికి సహకరించిన వృద్ధురాలిని అరెస్ట్ చేశారు.
