జైపూర్: రాజస్థాన్ రాజకీయాలు ఉత్కంఠ రేపుతున్నాయి. సచిన్ పైలట్కు హైకోర్టులో మరోసారి ఊరట దక్కింది. సచిన్ పైలట్ వర్గం ఎమ్మెల్యేలపై రాజస్థాన్ స్పీకర్ అనర్హత వేటు వేసిన విషయం తెలిసిందే. కాగా దీనిపై పైలట్ ఇప్పటికే కోర్టుకు వెళ్లారు. గురువారం దీనిపై కోర్టు తీర్పు వెలువరించాల్సి ఉంది. ఈ క్రమంలో ఈకేసులో కేంద్రాన్ని కూడా చేర్చాలంటూ పైలట్ మరోసారి కోర్టును ఆశ్రయించారు. దీనిని కోర్టు స్వీకరించింది. ఈ కేసులో తుదితీర్పు ఆలస్యమయ్యే అవకాశం ఉన్నందున ఎమ్మెల్యేల అనర్హత పిటిషన్లపై యథాతథస్థితి కొనసాగించాలని ఆదేశాలు జారీచేసింది. పైలట్ తిరుగుబాటుతో రాజస్థాన్ స్పీకర్ 19 మంది రెబల్ ఎమ్మెల్యేలపై నోటీసులు జారీచేశారు. ఈ నోటీసులను సవాల్చేస్తూ సచిన్పైలట్ వర్గం హైకోర్టును ఆశ్రయించింది. కాగా తిరుగుబాటు ఎమ్మెల్యేలపై అనర్హత వేటుపై కోర్టు స్టే విధించింది. కాగా హైకోర్టు స్టేను ఎత్తేయాలంటూ రాజస్థాన్ స్పీకర్ సుప్రీంను ఆశ్రయించగా సుప్రీం తోసిపుచ్చింది. ఈ అంశంపై సుదీర్ఘ విచారణ చేపడతామని చెప్పింది. కేసును ఈ నెల 27 కు వాయిదా వేసింది.
