సారథిన్యూస్, హైదరాబాద్: ఆంధ్రప్రదేశ్ ముఖ్యమంత్రి వైఎస్ జగన్మోహన్రెడ్డిపై సినీహీరో రామ్ పొతినేని సంచలన వ్యాఖ్యలు చేశారు. కాగా రామ్ వ్యాఖ్యలపై వైఎస్సార్సీపీ నేతలు తీవ్రంగా మండిపడుతున్నారు. కొన్ని రోజుల క్రితం కోవిడ్ సెంటర్గా ఉన్న విజయవాడలోని స్వర్ణప్యాలెస్లో అగ్నిప్రమాదం జరిగిన విషయం తెలిసిందే. ఈ ప్రమాదంలో 10 మంది కరోనా పేషెంట్లు మృతిచెందారు. కాగా రమేశ్ హాస్పిటల్కు చెందిన కరోనా పేషెంట్లను.. హోటల్ స్వర్ణప్యాలెస్లో ఉంచి వారికి వైద్యం అందిస్తున్నారు. కాగా ఈ ఘటనపై ఏపీప్రభుత్వం ఉన్నతస్థాయి విచారణకు ఆదేశించింది. అప్పటి నుంచి రమేశ్ హాస్పిటల్ యజమాని రమేశ్ బాబు పరారీలో ఉన్నాడు. కాగా సదరు ఆస్పత్రి యజమాని రమేశ్ సోదరుడి కుమారుడు రామ్ పోతినేని తాజాగా ఈ వివాదంపై వరుస ట్వీట్లు పెట్టాడు. ‘సీఎం జగన్గారు. మీ చుట్టూ ఉన్న కొంతమంది మిమ్మల్ని తప్పుదోవ పట్టిస్తున్నారు. వారి వల్ల సీఎం మీద మేం పెట్టుకున్న నమ్మకానికి డ్యామేజ్ కలుగుతుంది. ఇకనైనా మీ చుట్టూ ఉన్నవాళ్ల మీద ఓ లుక్కేస్తారని ఆశిస్తున్నాం’ అంటూ ఓ ట్వీట్ పెట్టారు. ‘అందరినీ ఫూల్స్ చేయడానికే ఈ మ్యాటర్ను ఫైర్ వైపు నుంచి ఫీజు వైపు మళ్లించారా’ అంటూ మరో ట్వీట్ పెట్టారు. ‘జగన్గారు రమేశ్ హాస్పిటల్ కంటే ముందు.. ఇక్కడ ప్రభుత్వమే స్వయంగా కోవిడ్ సెంటర్ను నడిపేది. ఒకవేళ అప్పడు ప్రమాదం జరిగి ఉంటే నేరం ఎవరిపై నెట్టేవారు’ అంటూ మరో ట్వీట్ పెట్టారు. కాగా రామ్ ట్వీట్పై వైఎస్సార్సీపీ నేతలు మండిపడుతున్నారు. స్వర్ణప్యాలెస్లో 10 మంది చనిపోతే స్పందించని రామ్.. ఇప్పుడు ఆయన బాబాయ్ చిక్కుల్లో పడ్డాడు కాబట్టి ముందుకొచ్చాడని ఆరోపించారు. ఎవరెన్ని ఒత్తిడిలు తీసుకొచ్చినా చట్టం తనపని తాను చేసుకుపోతుందని స్పష్టం చేశారు.
