ఈషా రెబ్బా ఓ హిందీ రీమేక్ వెబ్సిరీస్లో నటించనున్నట్టు సమాచారం. హిందీలో విజయం సాధించిన ‘లస్ట్స్టోరీస్’ను తెలుగులో రీమేక్ చేస్తున్నారు. ఈచిత్రంలో ఓ బోల్డ్ పాత్రలో ఈషా నటించనున్నట్టు టాలీవుడ్లో గుసగుసలు వినిపిస్తున్నాయి. బోల్డ్ వెబ్ సిరీస్‌లకు ప్రస్తుతం విపరీతమైన ఆదరణ లభిస్తోంది. హీరోయిన్స్ కూడా అటువంటి పాత్రల్లో నటించేందుకే ఆసక్తి కనబరుస్తున్నారు. తెలుగమ్మాయి ఈషా రెబ్బ కూడా వెబ్ సిరీస్‌లపై దృష్టి సారించింది. హిందీలో సంచలన విజయం సాధించిన లస్ట్ స్టోరీస్ తెలుగు వెర్షన్‌లో ఈషా ఓ బోల్డ్ పాత్ర చేస్తోంది. ఈ పాత్ర తనకు చాలా మంచి గుర్తింపు తీసుకొస్తుందని ఈషా బలంగా నమ్ముతోంది. ఈ చిత్రానికి సంబంధించిన పూర్తివివరాలు తెలియాల్సి ఉన్నది.
