సారథి న్యూస్, కర్నూలు: పలు రకాల సమస్యలపై పోలీసుస్టేషన్లను ఆశ్రయించే వారితో పోలీసులు మర్యాదపూర్వకంగా మెలగాలని కర్నూలు జిల్లా ఎస్పీ డాక్టర్ ఫక్కీరప్ప కాగినెల్లి కిందిస్థాయి పోలీసు అధికారులకు సూచించారు. దురుసు ప్రవర్తన ప్రదర్శిస్తే పోలీసు సిబ్బందిపై చర్యలు తప్పని హెచ్చరించారు. గురువారం ఆయన కర్నూలు జిల్లా పోలీసు ఆఫీసులోని కోవిడ్ కమాండ్ కంట్రోల్ నుంచి వీడియోకాన్ఫరెన్స్ నిర్వహించారు. బాధితులకు సత్వర న్యాయం చేయాలని సూచించారు. ఫిర్యాదుల పట్ల చట్టప్రకారం చర్యలు తీసుకోవాలని ఆదేశించారు. ఎక్స్ ప్లోజివ్ రూల్స్ పాటించే విధంగా చర్యలు తీసుకోవాలన్నారు. లైసెన్సులను కచ్చితంగా తనిఖీచేయాలన్నారు. కరోనా పట్ల భయపడాల్సిన అవసరం లేదన్నారు. కరోనా బారినపడి కోలుకుని విధులకు వచ్చిన పోలీసు సిబ్బందిని సత్కరించాలన్నారు.
