జెఫ్రీ గీ చిన్ దర్శకత్వంలో మొదలు పెట్టిన తన కొత్త సినిమా ప్రమోషనల్ యాక్టివిటీస్ విషయంలో ఏ మాత్రం వెనుకంజ వేయడం లేదు మంచు విష్ణు. తను హీరోగా నటిస్తూ, నిర్మిస్తున్న ఈ చిత్రంలో విష్ణుకు సిస్టర్‌గా కాజల్‌ నటిస్తుండగా రుహీసింగ్ హీరోయిన్‌. సునీల్‌శెట్టి కీలకపాత్ర పోషిస్తున్నాడు. ప్రపంచలోనే అతిపెద్ద ఐటీ స్కాం ఆధారంగా రూపొందిస్తున్న ఈ సినిమాను తెలుగు, తమిళ, మలయాళ, కన్నడ, హిందీ, ఇంగ్లిష్ భాషల్లో విడుదల చేయనున్నారు. చాలా గ్యాప్ తరువాత వస్తున్న ఈ మూవీపై భారీ అంచనాలు పెట్టుకున్న విష్ణు, అందుకు తగ్గట్టే ప్రమోషనల్ యాక్టివిటీస్ ప్లాన్ చేశాడు. రీసెంట్‌గా అల్లు అర్జున్ చేత టీజర్‌ రిలీజ్ చేయించిన విష్ణు ఇప్పుడు వెంకటేశ్ చేత వాయిస్ ఓవర్ ఇప్పిస్తున్నాడు. ఈ విషయాన్ని అఫీషియల్ గా అనౌన్స్ చేశారు. కీలక పాత్రల పరిచయం మొదలు, సినిమాలోని ప్రదాన సీన్ల వరకూ వెంకటేష్ వాయిస్ ఓవర్ ఉంటుందట. వెంకీ వాయిస్ సినిమాకి స్పెషల్ అట్రాక్షన్‌గా నిలవనుందట. అలాగే ‘మోసగాళ్లు’ థీమ్‌పోస్టర్ ను కూడా వెంకటేశ్ రిలీజ్ చేయడం మరో విశేషం. ప్రమోషన్‌లో స్టార్ హీరోలను భాగం చేస్తూ మూవీపై భారీ హైప్ క్రియేట్ చేస్తున్న విష్ణుకు ఈ సినిమా ఎంత సక్సెస్‌ ఇస్తుందో చూడాలి.
