మెగాస్టార్ చిరంజీవి ప్రస్తుతం కొరటాల శివ దర్శకత్వంలో ఆచార్య మూవీ చేస్తున్నారు. అయితే కరోనా భారీ బడ్జెట్ చిత్రాల మీద తీవ్ర ప్రభావం చూపుతోంది. భారీ బడ్జెట్తో తెరకెక్కబోయే సినిమాల షూటింగ్లు కూడా తిరిగి మొదలు పెట్టడానికి సందేహం వ్యక్తం చేస్తున్నారు. నిర్మాతలకు పెరగనున్న ఆర్థిక భారాన్ని దృష్టిలో ఉంచుకుని నటీనటులు, ఇతర టెక్నీషియన్లు వారి రెమ్యునరేషన్ తగ్గించుకుంటే బాగుండు అన్న వాదనకూడా వినిపిస్తోంది. ఈ విషయాలు పక్కన పెడితే ‘ఆచార్య’ సినిమా విషయంలో చిత్ర బృందం బడ్జెట్లో కోత విధించాలన్న నిర్ణయాన్ని తీసుకుందట.
అసలే కొరటాల సినిమాలంటే సందేశాలతో కూడినవే కాదు, కమర్షియల్ హంగులూ ఎక్కువగా ఉంటాయి. బడ్జెట్ భారీగానే ఉంటుంది. అందుకే సినిమాను వీలైనంత తక్కువ బడ్జెట్తో తక్కువ రోజుల్లోనే షూటింగ్ పూర్తి చేయాలని అంటున్నారట మెగాస్టార్ చిరంజీవి. దేవాదాయ ధర్మాదాయ శాఖలో జరిగే అన్యాయాల గురించే పోరాడే క్రమంలో మెగాస్టార్ నక్సలైట్గా కనిపించనున్నారు. రామ్ చరణ్ కూడా ఓ కీలకపాత్రలో కనిపించనున్నాడు ఈ సినిమాలో.. అయితే పరిస్థితుల దృష్ట్యా మెగాస్టార్ బడ్జెట్ విషయంలో ఈ నిర్ణయం తీసుకోవడం సబబే అంటున్నాయి ఇండస్ట్రీ వర్గాలు.
