సారథిన్యూస్, హైదరాబాద్: బట్టతల వస్తోందని ఓ యువకుడు ఆత్మహత్యకు పాల్పడ్డ ఘటన హైదరాబాద్ ఉప్పల్లోని సత్యానగర్లో మంగళవారం చోటుచేసుకున్నది. వరంగల్ అర్బన్ జిల్లాకు చెందిన నితిన్ ఉప్పల్ ఉంటున్నాడు. క్యాటరింగ్ పనులు చేస్తే జీవనం సాగిస్తున్నాడు. క్యాటరింగ్తో వచ్చిన డబ్బులను కొన్ని ఇంటికి పంపిస్తూ.. మరికొన్ని హెయిర్ ట్రాన్స్ప్లాంటేషన్ కోసం దాచుకుంటున్నాడు. ఈ క్రమంలో ఇటీవల అతడి సోదరి పెళ్లి కోసం డబ్బు కావాలని ఇంటి నుంచి సమాచారం వచ్చింది. మరోవైపు కరోనాతో క్యాటరింగ్ పనులు నిలిచిపోయాయి. ఈ నేపథ్యంలో మనస్థాపం చెందిన నితిన్ తన గదిలోని సీలింగ్ఫ్యాన్కు ఉరివేసుకొని ఆత్మహత్య చేసుకున్నాడు. తన చావుకు ఎవరూ కారణం కాదని.. బట్టతల వస్తుందన్న కారణంతోనే ఆత్మహత్య చేసుకుంటున్నానని సూసైడ్ నోట్ రాశాడు.
