- హెడ్కానిస్టేబుల్ మృతి
- ముగ్గురు కానిస్టేబుళ్లకు తీవ్రగాయాలు
- మెరుగైన చికిత్స కోసం కిమ్స్ కు తరలింపు
సారథి న్యూస్, ఎల్బీనగర్: హైదరాబాద్నుంచి విజయవాడకు ఔటర్ రింగ్ రోడ్డుపై వెళ్తున్న ఆంధ్రప్రదేశ్ మంత్రి బాలినేని శ్రీనివాస్ రెడ్డి ఎస్కార్ట్ వాహనం బోల్తాపడింది. ఈ ఘటనలో ఓ హెడ్కానిస్టేబుల్మృతిచెందగా, మరో ముగ్గురు కానిస్టేబుళ్లు తీవ్రంగా గాయపడ్డారు. ఈ సంఘటన మంగళవారం తుర్కయంజాల్ మున్సిపాలిటీ పరిధిలోని కోహెడ గ్రామ సమీపంలో చోటుచేసుకుంది. పోలీసుల కథనం మేరకు.. ఆంధ్రప్రదేశ్ మంత్రి కాన్వాయ్హైదరాబాద్నుంచి ఔటర్రింగ్రోడ్డు మీదుగా విజయవాడకు బయలుదేరారు. మార్గమధ్యంలో రంగారెడ్డి జిల్లా అబ్దుల్లాపూర్మెట్మండలం, తుర్కయంజాల్ మున్సిపాలిటీ కోహెడ్ గ్రామ సమీపంలో ఔటర్పై పెద్దఅంబర్పేట సర్కిల్ కు సమీపంలోకి రాగానే మంత్రి ప్రయాణిస్తున్న కాన్వాయ్ లో ఏపీ 18 పీ 1359 కారు వెనక ఎడమవైపు టైర్పగిలిపోయింది. దీంతో వాహనం అదుపుతప్పి బోల్తాకొట్టింది. ఈ ఘటనలో కారులో ఉన్న హెడ్కానిస్టేబుల్బి.పాపరావు(56), కానిస్టేబుళ్లు డి.రాజు, వి.సీతారాముడు, డ్రైవర్జయక్రిష్ణ తీవ్రంగా గాయపడ్డారు. వారిని వెంటనే హయత్నగర్లోని సన్రైస్ ఆస్పత్రికి తరలించగా పరిస్థితి విషమించి అప్పటికే పాపరావు మృతిచెందినట్లు వైద్యులు వెల్లడించారు. మిగతా ముగ్గురు కానిస్టేబుళ్లకు ప్రథమ చికిత్స అనంతరం ఎల్బీనగర్లోని కామినేని ఆస్పత్రికి తరలించారు. అనంతరం వారిని సికింద్రబాద్లోని కిమ్స్ఆస్పత్రికి తరలించి ట్రీట్మెంట్ అందిస్తున్నారు. మృతుడు హెడ్ కానిస్టేబుల్పాపరావు మృతదేహానికి పంచనామా అనంతరం స్వగ్రామమైన శ్రీకాకుళం తరలించేందుకు పోలీసులు బంధువులకు అప్పగించారు.
క్షతగాత్రులను పరామర్శించిన మంత్రి
ఘటన స్థలం నుంచి క్షతగాత్రులను ఆస్పత్రికి తరలించగానే మంత్రి బాలినేని శ్రీనివాస్ రెడ్డి నేరుగా హయత్నగర్లోని సన్రైస్ఆస్పత్రికి చేరుకుని కానిస్టేబుళ్ల ఆరోగ్య పరిస్థితిపై వైద్యులను అడిగి తెలుసుకున్నారు. మెరుగైన చికిత్స నిమిత్తం ముగ్గురు కానిస్టేబుళ్లను వెంటనే ఎల్బీనగర్లోని కామినేని ఆస్పత్రికి తరలించి ఆస్పత్రి యాజమాన్యంతో మాట్లాడారు.
