‘ది డిసైపుల్’కు రెండు అవార్డులు

చైతన్య తమ్హానే.. మరాఠీలో పేరున్న డైరెక్టర్. 2014లో ఆయన తీసిన ‘కోర్ట్’ అనే సినిమాతో చాలా ఫేమ్ సంపాదించాడు. రైటర్, డైరెక్టర్, ప్రొడ్యూసర్ మల్టీ టాలెంటెడ్ పర్సన్ అయిన చైతన్య ఇప్పుడు ఇండియాలోనే కాదు తను రీసెంట్​గా తీసిన మూవీతో వెన్నీస్ ఫిల్మ్ ఫెస్టివల్లో రెండు అవార్డులు దక్కించుకుని వరల్డ్ ఫేమస్ అయ్యాడు. ‘ది డిసైపుల్’ పేరుతో తెరకెక్కిన ఈ సినిమా మొత్తం ఒక యువ సంగీత దర్శకుడి సినీప్రయాణం.. జీవితంలో అతడుపడ్డ కష్టాలు.. వాటిని ఎలా ఎదుర్కొన్నాడు. తన జీవిత లక్ష్యాన్ని ఎలా చేరుకున్నాడన్నదే కథనం. ఆ విషయాలను దర్శకుడు చైతన్య చాలా అద్భుతంగా తెరకెక్కించాడు. అందుకే ఈ సినిమాకు వెన్నీస్ ఫిల్మ్ ఫెస్టివల్ లో చోటు దక్కించుకోవడంతో పాటు రెండు అవార్డులు కూడా వచ్చాయి.

ఉత్తమ స్క్రీన్ ప్లే అవార్డుతో పాటు ఎఫ్ పీ ఆర్ఈఎస్ ఐ క్రిటిక్స్ విభాగంలో మరో అవార్డును ఈ చిత్రం సొంతం చేసుకుంది. ఈ సందర్భంగా దర్శకుడు చైతన్య మాట్లాడుతూ.. ‘ఈ కథ రాసుకోవడం కోసం పడ్డ కష్టం అంతాఇంతా కాదు. నేను పడ్డ కష్టానికి అవార్డు రావడం చాలా సంతోషంగా ఉంది. మున్ముందు మరింతగా కష్టపడేందుకు ఈ సినిమాకు వచ్చిన అవార్డులే ప్రోత్సహంగా నిలుస్తాయి’ అని అంటున్నాడు. ఈ సినిమా కోసం పనిచేసిన ప్రతి ఒక్కరికి కృతజ్ఞతలు తెలిపాడు.