ముంబై: వివాదాస్పద బాలీవుడ్ బ్యూటీ కంగనా రనౌత్కు కేంద్రప్రభుత్వం ‘వై ప్లస్’ సెక్యూరిటీ కల్పించింది. బాలీవుడ్ నటుడు సుశాంత్ మృతిచెందిన అనంతరం కంగనా రనౌత్ వరసగా వివాదాస్పద వ్యాఖ్యలు చేస్తున్నారు. ఇటీవల ముంబై చిత్రపరిశ్రమలోని డ్రగ్స్ వాడకంపై కూడా కంగనా సంచలన వ్యాఖ్యలు చేశారు. దీంతో ఆమెకు బెదిరింపులు వచ్చాయి. దీంతో కేంద్రం ఆమెకు భద్రత కల్పించింది. వై ప్లస్ భద్రతతో ఆమెకు 11 మంది సీఆర్పీఎఫ్ కమెండోలు ఆమెకు రక్షణగా నిలువనున్నారు.
ఇటీవల కంగనా మహారాష్ట్ర పోలీసులపై సంచలన వ్యాఖ్యలు చేశారు. ముంబై పోలీసులపై తనకు నమ్మకం లేదని.. ముంబై ప్రస్తుతం పాక్ ఆక్రమిత కశ్మీర్లా ఉందంటూ సంచలన వ్యాఖ్యలు చేశారు. దీంతో శివసేన ఎంపీ ఆమెపై ఫైర్ అయ్యారు. కంగనాను ముంబైలో అడుగుపెట్టనివ్వబోమని వ్యాఖ్యానించారు. దీనికి కంగనా కూడా కౌంటర్ ఇచ్చారు. సెప్టెంబర్ 9న తాను ముంబై వస్తానని ఏం చేస్తారో చేసుకోండి అంటూ ట్వీట్ చేశారు. కాగా తాజాగా కంగనాకు కేంద్రం సెక్యూరిటీని పెంచింది. కాగా తనకు రక్షణ కల్పించిన అమిత్ షాకు కంగనా ధన్యవాదాలు తెలిపారు. అమిత్ షాకు తాను రుణపడి ఉంటానని చెప్పారు.
