షార్జా: డివిలియర్స్ బ్యాట్స్తో విధ్వంసం సృష్టించడంతో కోల్కతా నైట్ రైడర్స్పై రాయల్ చాలెంజర్స్బెంగళూరు 82 పరుగుల తేడా ఘన విజయం సాధించింది. ఐపీఎల్ 13 సీజన్లో భాగంగా షార్జా వేదికగా జరిగిన మ్యాచ్ లో బెంగళూరు 195 పరుగుల టార్గెట్ విధించింది. మొదట టాస్‌ గెలిచి బ్యాటింగ్ చేసిన కోహ్లీసేన నిర్ణీత 20 ఓవర్లలో రెండు వికెట్లు కోల్పోయి 194 పరుగులు చేసింది. ఆది నుంచీ పడిక్కల్‌ (32, 23 బంతుల్లో, 4×4; 1×6), ఫించ్‌ (47, 37 బంతుల్లో, 4×4, 1×6) దూకుడుగా ఆడుతూ తొలి వికెట్‌కు 67 పరుగులు జోడించారు. అయితే పడిక్కల్‌ పెవిలియన్‌కు చేరిన తర్వాత బెంగళూరు ఇన్నింగ్స్ నెమ్మదిగా సాగింది. ఈ క్రమంలో దూకుడుగా ఆడటానికి యత్నించి ఫించ్‌.. ప్రసిధ్‌ కృష్ణ బౌలింగ్‌లో బౌల్డయ్యాడు. అనంతరం డివిలియర్స్(73,33 బంతుల్లో, 5×4, 6×6) వచ్చిన తర్వాత ఇన్నింగ్స్ స్వరూపాన్ని మార్చేశాడు. సిక్సర్ల మోత మోగించాడు. నాగర్‌కోటి బౌలింగ్‌లో రెండు సిక్సర్లను స్టేడియం అవతలకు తరలించాడు. ఈ క్రమంలో 23 బంతుల్లోనే అర్ధశతకం సాధించాడు. ఆఖరి వరకు క్రీజులో ఉన్న కోహ్లీ (33,28 బంతుల్లో, 1×4) 19వ ఓవర్‌లో తన తొలి బౌండరీ బాదాడు. తొలి 15 ఓవర్లలో 111 పరుగులు చేసిన బెంగళూరు ఆఖరి అయిదు ఓవర్లలో విధ్వంసమే సృష్టించిందని చెప్పొచ్చు. కోల్కతా బౌలర్లలో ప్రసిధ్‌ కృష్ణ, ఆండ్రురస్సెల్ చెరో వికెట్ తీశారు.
లక్ష్యఛేదనలో భాగంగా బ్యాటింగ్కు దిగిన కోల్కతా ఆదిలోనే చతికిలపడింది. ఓపెనర్ బన్టాన్8 పరుగులకే ఔట్ అయ్యాడు. శుభ్మన్ గిల్ ఇన్నింగ్స్ను చక్కదిద్దేందుకు ప్రయత్నించినా (34, 25 బంతులు, 3×4, 1×6) ఔట్ అయ్యాడు. ఆ తర్వాత వచ్చిన బ్యాట్స్మెన్లు ఎక్కువ సేపు క్రీజ్లో నిలవలేకపోయారు. ఆండ్రు రస్సెల్16, రాహుల్త్రిపాఠి 16 తప్ప ఎవకూ రెండంకెల స్కోరు దాటలేదు. కోల్కతా నైట్రైడర్స్ నిర్ణీత 20 ఓవర్లలో 9 వికెట్ల నష్టానికి 112 పరుగులు మాత్రమే చేయగలిగింది. ఇక బెంగళూరు బౌలర్లలో మారిస్, వాషింగ్టన్ సుందర్ రెండేసి, సైని, సిరాజ్, చాహల్, ఉడాన ఒక్కో వికెట్ చొప్పున తీశారు.
