తన గెటప్స్తో క్యారెక్టర్కు ప్రాణం పోయడం కింగ్ నాగార్జున స్పెషాలిటీ. మేకోవర్ అవడంలో ఆయనకు ఆయనే సాటి. ఎప్పటికప్పుడు కొత్త సబ్జెక్టులను ఎంపిక చేసుకునే కింగ్ ఈ సారి రైతుపాత్రను ఎంచుకున్నాడట. ఆల్రెడీ ‘మనం’, ‘సోగ్గాడే చిన్ని నాయనా’ సినిమాల్లో పంచె కట్టు కట్టి రైతుగా కనిపించినా ఈసారి మాత్రం పక్కా రైతుగా దర్శనమివ్వనున్నాడట అక్కినేని అందగాడు.
ప్రస్తుతం అహిషోర్ సాల్మన్ దర్శకత్వంలో ‘వైల్డ్ డాగ్’ చిత్రంలో నాగార్జున పవర్ ఫుల్ ఎన్ఐఏ అధికారిగా కనిపించనున్నాడు. అయితే రీసెంట్గా ‘గరుడవేగ’ సినిమాతో పేరు తెచ్చుకున్న డైరెక్టర్ ప్రవీణ్ సత్తార్ నాగ్కు ఓ కథ వినిపించాడట. వెంటనే అతని సినిమా చేసేందుకు గ్రీన్ సిగ్నల్ ఇచ్చాడట నాగార్జున. స్క్రిప్టు కూడా పక్కాగా రెడీ చేశాడట ప్రవీణ్. తప్పిపోయిన ఓ రైతు కూతురు కథ ఇది. తన కూతుర్ని ఎలా కనిపెట్టాడు, అందుకోసం ఎలాంటి సాహసం చేశాడు అన్నదే కథాంశంగా సాగుతుందట. యాక్షన్ థ్రిల్లర్గా తెరకెక్కనున్న ఈ సినిమా గురించి ఇండస్ట్రీలో అప్పుడే క్యూరియాసిటీ నెలకొంది. అందులోనే నాగ్ ‘వైల్డ్ డాగ్’ సినిమా ఫస్ట్ లుక్ కూడా కొత్తదనంతో ఉండి అంచనాలు పెంచేది ఉండటంతో ఈ సినిమాపై కూడా అందరి దృష్టి పడుతోంది.
