టాలీవుడ్ మోస్ట్ ఎలిజబుల్ బ్యాచిలర్స్లో ఒకడైన రానా త్వరలో ఓ ఇంటివాడు కానున్న సంగతి అందరికీ తెలిసిందే. మిహికా బజాజ్ ను ప్రేమిస్తున్నానంటూ సోషల్ మీడియాలో మిహికాతో కలిసి తీసుకున్న సెల్ఫీలను పోస్ట్ చేసి ఫ్యాన్స్కు సర్ప్రైజ్ ఇవ్వడమే కాదు.. రీసెంట్గా పెద్దల సమక్షంలో రోకా ఫంక్షన్ కూడా జరుపుకుని ఆగస్టు 8న పెళ్లి ముహూర్తం కూడా ఫిక్స్ చేసుకున్నాడు. అయితే కరోనా కారణంగా రానా పెళ్లి వాయిదాపడింది అంటూ పుకార్లు షికార్లు చేయడం ప్రారంభించాయి. కానీ అదంతా ఉత్త గాసిప్ మాత్రమేనని మిహికా కుటుంబసభ్యులు చెబుతున్నారు. ఎట్టి పరిస్థితుల్లో ఆగస్టు 8న జరుగుతుందని కన్ఫామ్ చేసేశారు. అంతేకాదు రెండు కుటుంబాల మధ్య పెళ్లి సందడి కూడా మొదలైందట. అలాగే పెళ్లిక వేడుక రెండు రోజుల ముందే అంటే 6,7 తేదీల్లో మొదలవనుందట. అతికొద్ది మంది స్నేహితులు, బంధువుల, సన్నిహితుల సమక్షంలో ప్రభుత్వ నిబంధనలతో రానా, మిహికాల వివాహం జరగనుంది.
