సారథి న్యూస్, రామాయంపేట: ఇక నుంచి క్రైం జరిగితే 100కు, రోడ్డు ప్రమాదానికి 108, అగ్నిప్రమాదం సంభవిస్తే 102కు కాల్ చేయాల్సిన అవసరం లేదు. అన్ని సేవలకు 112 నంబర్కు ఫోన్చేస్తే సరిపోతుంది. పోలీసు, రెవెన్యూ, వైద్యం మొదలైన అన్నిశాఖలను సమన్వయం చేస్తూ కేంద్రప్రభుత్వం 112 అనే అత్యవసర సహాయనంబర్ను అందుబాటులోకి తెచ్చింది. అత్యాధునిక సాంకేతిక పరిజ్ఞానంతో ఈ నెంబర్ పనిచేయనున్నది. ఇకనుంచి దేశంలో ఎక్కడున్నా ఒకే నంబర్కు ఫోన్చేయవచ్చు. అన్ని రాష్ట్రాల కు చెందిన అన్ని ప్రభుత్వ శాఖల సమన్వయం తో పనిచేసే ఈ వ్యవస్థ ద్వారా క్షణల్లో సంబంధిత అధికారులను అప్రమత్తం చేస్తారు.112 పై అవగాహన కల్పించాలని పలువురు అభిప్రాయం వ్యక్తం చేస్తున్నారు. ఎస్సెమ్మెస్, వాయిస్ కాల్,ఈ-మెయిల్ ,ఈ.ఆర్.ఆర్.ఎస్. వెబ్సైట్ ద్వారా ఫిర్యాదులు స్వీకరించి వెంటనే సేవలు అందించేందుకు చర్యలు తీసుకుంటారు. యాపిల్ ప్లే స్టోర్, గూగుల్ ప్లే స్టోర్ లలో 112 యాప్ను డౌన్లోడ్ చేసుకోవచ్చు. స్మార్ట్ ఫోన్ లలో పవర్ బటన్ ను మూడు సార్లు నొక్కిపడితే, సాదారణ ఫోన్ లలో 5 లేదా 9 కీ ప్యాడ్ ను ఎక్కువ సేపు నొక్కి ఉంచడం ద్వారా కూడా అత్యవసర సేవల సిబ్బంది అందుబాటులోకి వస్తారు. జీపీఎస్ పరిజ్ఞానం ద్వారా సమస్య జరిగిన ప్రాంతాన్ని గుర్తించి దగ్గర్లోని సంబంధిత అధికారులను అప్రమత్తం చేస్తారు.
