న్యూఢిల్లీ: ఆటగాళ్లు ఔట్ డోర్ ట్రైనింగ్ మొదలు పెట్టకపోవడం, దేశంలో కరోనా అదుపులోకి రాకపోవడంతో.. బీసీసీఐ మరో కీలకనిర్ణయం తీసుకుంది. లంక పర్యటన దారిలోనే.. జింబాబ్వే టూర్ను కూడా రద్దుచేసింది. షెడ్యూల్ ప్రకారం ఆగస్టు 22వ నుంచి జింబాబ్వేతో కోహ్లీనే మూడు వన్డేల సిరీస్ జరగాల్సి ఉంది. అయితే కరోనా ముప్పు కారణంగా ఈ పర్యటన నుంచి వైదొలుగుతున్నట్లు బీసీసీఐ కార్యదర్శి జై షా ప్రకటించారు. భవిష్యత్లోనూ దీనిని కొనసాగించే అవకాశాల్లేవన్నారు.
మరోవైపు క్రికెటర్ల ఔట్ డోర్ ట్రైనింగ్కు సంబంధించి పూర్తి షెడ్యూల్ రూపొందించలేదన్నారు. అనుకూలమైన వాతావరణం ఉన్నప్పుడే తమ ప్లేయర్లు ప్రాక్టీస్ మొదలుపెడతారని స్పష్టంచేశారు. ఈ సమయంలో ప్రభుత్వాలు తీసుకుంటున్న చర్యలకు అడ్డు తగిలే ప్రయత్నాలను తాము చేయబోమన్నారు. ప్రస్తుతం పరిస్థితులకు తగ్గట్టుగా నడుచుకోవడమే తమ ముందున్న లక్ష్యమని షా చెప్పుకొచ్చాడు.
