సామాజిక సారథి, బిజినేపల్లి: నాగర్ కర్నూలు జిల్లా బిజినేపల్లి మండల పరిధిలోని నంది వడ్డేమాన్ గ్రామ సర్పంచి సుదర్శన్ గౌడ్ ను అదే గ్రామానికి చెందిన యువకుడు వేముల సైదులు తప్ప తాగి ఫోన్ లో అసభ్య పదజాలంతో దూషించాడు. చంపివేస్తానని బెదిరించిన యువకుడిని సోమవారం పోలీసులు తహసీల్దార్ అంజిరెడ్డి ముందు బైండోవర్ చేశారు . మరోమారు ఇలాంటి చర్యలకు పాల్పడితే కఠిన చర్యలు తప్పవని తహసీల్దార్ అంజిరెడ్డి యువకుడిని హెచ్చరించారు . చాలామంది యువత ఉపాధి అవకాశాలను వదులుకొని మద్యానికి బానిసలై నిండు జీవితాలను నాశనం చేసుకుంటున్నారని అలాంటి వాటికి దూరంగా ఉండాలని వారు సూచించారు.
