– యాక్సిడెంట్ కేసులో ట్రాక్టర్ ను మార్చారు
– రూ.లక్ష లంచం తీసుకుని బాధితులకు అన్యాయం చేశారు
– డీజీపీకి ఇంద్రకల్ యువజన సంఘం నాయకుడి వినతి
సామాజికసారథి, నాగర్ కర్నూల్ బ్యూరో: యాక్సిడెంట్ లో ఇద్దరి మృతికి కారణమైన ట్రాక్టర్, యజమానిని వదిలిపెట్టి మరో వెహికిల్ పై కేసు నమోదుచేసిన ఎస్సైపై చర్యలు తీసుకోవాలని అంబేద్కర్ యువజన సంఘం ఇంద్రకల్ గ్రామ అధ్యక్షుడు పి.మల్లేష్ డీజీపీ అరవింద్ కుమార్ ను కోరారు. ఈ మేరకు గురువారం వినతిపత్రం అందజేశారు. ఆయన పేర్కొన్న వివరాలు..‘‘నాగర్ కర్నూల్ లో ఫిబ్రవరి 3న వేరుశనగ పొట్టులోడుతో వస్తున్న ట్రాక్టర్(టీఎస్ 31టీ3491) దేశిటిక్యాల చౌరస్తాలో బైక్ ను ఢీకొనడంతో అక్కడికక్కడే కొడుకు మృతిచెందగా, తండ్రి చికిత్స పొందుతూ చనిపోయాడు. మృతురాలి బంధువులు ట్రాక్టర్ డ్రైవర్ ననిర్లక్ష్యంపై పిర్యాదు చేశారు. నాగర్ కర్నూల్ ఎస్సై విజయ్ కుమార్ కేసు నమోదుచేసి ప్రమాదానికి కారణమైన ట్రాక్టర్ ను పదిరోజుల పాటు స్టేషన్ లో ఉంచారు. ఆ ట్రాక్టర్ స్థానంలో టీఎస్ 31 ఎఫ్టీఆర్ 1904 నంబర్ గల మరో ట్రాక్టర్ ను చూపించి లక్ష రూపాయల లంచం తీసుకునారని తీవ్ర ఆరోపణ లు వొచాయే . ఈ విషయమై మార్చి 30న ‘పోలీసుల మజాకా’ శీర్షికన ‘సామాజికసారథి’ తెలుగు దినపత్రికలో కేసులో ట్రాక్టర్ ను మార్చిన తీరుపై కథనం వచ్చింది. కానీ విషయంపై పోలీసు ఉన్నతాధికారులు చర్యలు తీసుకోలేదు. ఎస్సై తన విధులను దుర్వినియోగం చేస్తూ ఇక్కడి ప్రజలను భయభ్రాంతులకు గురిచేస్తూ బెదిరించడం ఆయనకు అలవాటుగా మారింది. మీరైనా స్పందించి చర్యలు తీసుకోండి’’ అంబేద్కర్ యువజన సంఘం అధ్యక్షుడు పి.మల్లేష్ డీజీపీ ఆఫీసులో సమర్పించిన వినతిపత్రంలో కోరారు.
