సామాజిక సారథి, నాగర్కర్నూల్ప్రతినిధి: ప్రయివేట్ పాఠశాలల్లో అధిక ఫీజులను అరికట్టాలని కేవీపీఎస్జిల్లా అధ్యక్షుడు అంతటి కాశన్న ప్రభుత్వాన్ని డిమాండ్చేశారు. నాగర్ కర్నూల్ జిల్లా కేంద్రంలో అంబేద్కర్ విగ్రహం వద్ద ఆదివారం నిరసన కార్యక్రమం నిర్వహించారు. ఈ సందర్భంగా ఆయన మాట్లాడుతూ ప్రిజమ్ పాఠశాలతో పాటు అన్ని ప్రయివేట్ పాఠశాలలు అధిక ఫీజులు వసూలు చేస్తూ పేదలను నడ్డివిరుస్తున్నారని ఆవేదన వ్యక్తం చేశారు. ఉన్నతాధికారులు ఏమాత్రం చర్యలు తీసుకోకుండా యజమానులతో కుమ్మక్కయ్యారని విమర్శించారు. పాఠ్యపుస్తకాలు ఒకటి నుంచి పదో తరగతి వరకు ఎక్కువ రేటు అమ్ముతున్నారని ఆయన విమర్శించారు. ప్రయివేట్ స్కూల్ యాజమాన్యంపై చర్యలు తీసుకోవాలి డిమాండ్ చేశారు. నూతన జాతీయ విద్యా విధానం పేరుతో మొత్తం విద్యావ్యవస్థను నాశనం చేయడానికి ప్రభుత్వం పూనుకున్నదని ఆయన అన్నారు. మరో వైపు ఎస్సీ, ఎస్టీ, పేద విద్యార్థులకు ప్రయివేట్ పాఠశాలలో 20శాతం సీటు ఇవ్వాలని అన్నారు ఈ కార్యక్రమంలో కేవీపీఎస్ నాయకులు రాములు, కృష్ణ, చంద్రయ్య, భీముడు, చిన్నయ్య పాల్గొన్నారు.
