సపోటా పండు రుచిలోనే కాదు.. పోషకవిలువలు పెంచడంలోనూ రారాజే అని చెబుతున్నారు పరిశోధకులు. సపోటా గుజ్జులో ఉండే ఫైబర్లు మలబద్దక సమస్యను పొగొడతాయి. జీర్ణాశయ క్యాన్సర్ కారకాలను సపోటా నివారిస్తుంది. అంతేకాక సపోటా ఎంతో త్వరగా శరీరానికి శక్తినిస్తుంది. నిద్రలేమితో బాధపడే వారు రోజు ఒక సపోటా తీసుకోవడం ఉత్తమం. దగ్గు, జలుబు వంటి సమస్యలను కూడా సపోటా దగ్గరికి రానీయ్యదు. కిడ్నీలో రాళ్లకు, స్థూలకాయ సమస్యలకు సపోటా విరుగుడుగా పనిచేస్తుంది. సపోటాలో ఉండే విటమిన్-ఏ వల్ల కంటికి మేలు కలుగుతుంది. శరీరంలో రోగ నిరోధక శక్తి పెరుగుతుంది. సపోటాలో ఉండే కాల్షియం, ఫాస్పరస్‌ వల్ల ఎముకల గట్టిపడతాయి. సపోటాలో ఉండే పిండిపదార్థాలు గర్భిణులకు, పాలు ఇచ్చే తల్లులకు చాలా మేలు చేస్తాయి. ఆరోగ్యానికి మేలు చేసే నియాసిన్, కాపర్, ఐరన్ వంటి మూలకాలు కూడా సపోటాలో ఉన్నాయి. సపోటా నరాల ఒత్తిడిని తగ్గించి ఉపశమనాన్ని ఇస్తుంది.
