మహబూబాబాద్: మహబూబాబాద్ జిల్లాలో అవెన్యూ ప్లాంటేషన్ ను విస్తృతంగా చేపట్టాలని జిల్లా కలెక్టర్ వీపీ గౌతం ఆదేశించారు. మంగళవారం హరితహారం పల్లెప్రగతి పనులను పరిశీలించేందుకు కేసముద్రం మండలంలో కలెక్టర్ విస్తృతంగా పర్యటించారు. కేసముద్రం పట్టణం, ఇనుగుర్తి, లాలూ తండా, తౌర్య తండాల్లో పర్యటించి హరితహారం తీరు తెన్నులను పరిశీలించారు. లాలూ తండాలోని 4 ఎకరాల్లో చేపట్టిన అటవీశాఖ నర్సరీని సందర్శించారు. కలెక్టర్ వెంట డీఆర్డీఏ ప్రాజెక్టు డైరెక్టర్ విద్యాచందన, తహసీల్దార్ వెంకటరెడ్డి, ఎంపీడీవో రోజా రాణి తదితరులు ఉన్నారు.
అబార్షన్లు చేస్తే క్రిమినల్ కేసులు
ప్రభుత్వ, ప్రైవేట్ వైద్యులు, సిబ్బంది అబార్షన్లకు సహకరిస్తే క్రిమినల్ కేసులు నమోదు చేస్తామని మహబూబాబాద్ కలెక్టర్ వీపీ గౌతమ్ హెచ్చరించారు. మంగళవారం ఆయన కేససముద్రం మండలంలో పర్యటించారు. హాస్పిటల్లో సౌకర్యాలపై వైద్యసిబ్బందిని ప్రశ్నించారు. పీహెచ్సీలో కాన్పులసంఖ్య తక్కువగా ఉండటం పట్ల ఆగ్రహం వ్యక్తం చేశారు.
