‘వరల్డ్ ఫేమస్ లవర్’ డిజాస్టర్ తర్వాత రాశీఖన్నా చేతిలో ఒక తెలుగు సినిమా కూడా లేదు. దీనికి తోడు కరోనా ప్రభావంతో ఎక్కడి షూటింగ్లు అక్కడే నిలిచిపోయాయి. దీంతో బీజీగా ఉండే సెలబ్రెటిస్ సైతం ఇంటికే పరిమితమైపోయారు. ఇప్పుడు మళ్లీ నెమ్మది నెమ్మదిగా ఒక్కో చిత్రం ట్రాక్ ఎక్కుతోంది. ఆల్రెడీ కమిటై ఉన్నవాళ్లు షూటింగ్స్ కు అటెండ్ అవుతున్నారు. ప్రస్తుతం ఖాళీగా ఉన్న రాశీకి కోలీవుడ్లో మక్కల్ సెల్వన్ విజయ్ సేతుపతి ప్రధాన పాత్రలో తెరకెక్కుతున్న ‘తుగ్లక్ దర్బార్’ మూవీ ఆఫర్ వచ్చింది. అయితే కరోనా కంటే ముందే ఈ సినిమా అనౌన్స్ చేయడం, అదితీరావు హైదరీని హీరోయిన్గా ఎంచుకోవడం.. మూవీ చిత్రీకరణ కూడా కొంత భాగం పూర్తయింది. అయితే ఇప్పుడు మళ్లీ ఈ చిత్రం సెట్స్ పైకి వచ్చేందుకు టీమ్ రెడీ అవుతున్నప్పుడు అదితీరావు సడెన్గా ఈ మూవీ నుంచి డేట్స్ కుదరక తప్పుకుందట. అయితే అది రాశీకి కలిసొచ్చింది. ఇంతకుముందు వీళ్లిద్దరి కాంబినేషన్లో ‘సంగ తమిళన్’ మూవీ వచ్చింది. అయితే రాశీ ఇందులో డి గ్లామర్ రోల్ లో కనిపించనుందట. ఆ ఫొటోలు సోషల్ మీడియాలో వైరల్ అయ్యాయి కూడా. రాశీతో పాటు ఈ చిత్రంలో మంజిమా మోహన్ కూడా నటిస్తోంది. ఢిల్లీ ప్రసాద్ దీనదయాళన్దర్శకత్వం వహిస్తున్న ఈ చిత్రాన్ని 7 స్క్రీన్ స్టూడియో బ్యానర్ పై లలిత్ కుమార్, వయాకామ్ 18 స్టూడియోస్ సంయుక్తంగా నిర్మిస్తున్నారు. తన క్యారెక్టర్ గురించి చెబుతూ రాశీ..‘ఈ చిత్రంలో నేను పార్టిసిపేట్ చేస్తున్నందుకు చాలా హ్యాపీగా ఉంది..” అని తన సంతోషం వ్యక్తం చేసింది.
