సారథి న్యూస్, హైదరాబాద్: రాష్ట్ర ప్రభుత్వం మందుబాబులకు తీపికబురు చెప్పింది. మరో రెండు గంటల పాటు మద్యం అమ్మకాలకు పర్మిషన్ ఇస్తున్నట్లు సర్కారు ప్రకటించింది. కరోనా వ్యాప్తి.. లాక్‌ డౌన్‌ అమలు అనంతరం ఇటీవల రాష్ట్రవ్యాప్తంగా వైన్స్ తిరిగి ప్రారంభమైన విషయం తెలిసిందే. ఉదయం 10 నుంచి సాయంత్రం 6 గంటల వరకే మాత్రమే మద్యం అమ్మకాలకు రాష్ట్ర ప్రభుత్వం అనుమతి ఇచ్చింది. తాజాగా రాత్రి 8 గంటల వరకు తెరుచుకోవచ్చని ఎక్సైజ్‌ శాఖ పర్మిషన్ ఇచ్చింది. అయితే కంటైన్మెంట్ జోన్లు మినహా ఇతర ప్రాంతాల్లో అమ్ముకోవచ్చని తెలిపింది.
