సారథిన్యూస్, రామగుండం: రజకుల సమస్యలను పరిష్కరిస్తామని రామగుండం ఎమ్మెల్యే కోరుకంటి చందర్ పేర్కొన్నారు. ఆదివారం పెద్దపల్లి జిల్లా రామగుండం పరిధిలోని 9వ డివిజన్లో దోబీఘాట్ పనులను పరిశీలించారు. ఈ సందర్భంగా మాట్లాడుతూ.. కులవృత్తులను నమ్ముకుని జీవించే రజకులకు అన్ని విధాలుగా అండగా ఉంటానని అన్నారు. రూ. 5 లక్షల నిధులతో దోభీఘాట్ నిర్మిస్తున్నామన్నారు. అనంతరం 8వ డివిజన్లోని తెలంగాణ అడ్వంచర్ అక్వాడ్ టూరిజం కార్యాలయాన్ని ప్రారంభించారు. ఈ కార్యక్రమంలో నగర మేయర్ బంగి అనిల్ కుమార్, కార్పొరేటర్ దాతు శ్రీనివాస్, పాముకుంట్ల భాస్కర్, నాయకులు వెగోళపు శ్రీనివాస్ గౌడ్, కోరకోప్పుల రవి, గోలివాడ ప్రసన్న, చంద్రకళ, కేశవగౌడ్, గనవేన సంపత్, తోకల రమేశ్, ఇరుగురాళ్ల శ్రావణ్, అబ్బాస్, సాయిలు తదితరులు పాల్గొన్నారు.
