టాలీవుడ్లో పూజాహెగ్డే, రష్మికా మందన్నా ఎంట్రీతో రకుల్ ప్రీత్సింగ్ జోరు తగ్గింది. దీంతో ఆమె టాలీవుడ్ను వదిలి ముంబైకి పరుగులు తీసింది. అయితే అక్కడా అవకాశాలు రాకపోవడంతో.. ప్రస్తుతం హైదరాబాద్లోనే ఉంటూ తన వ్యాపారాలు చూసుకుంటుంది. ఈ క్రమంలో రకుల్కు ఓ భారీ ఆఫర్ వచ్చినట్టు టాక్. ప్రముఖ రచయిత, నిర్మాత కోన వెంకట్ ఒలింపిక్ మెడల్ విజేత కరణం మల్లీశ్వరిపై ఓ బయోపిక్ను తీయనున్నట్టు సమాచారం. ఈ చిత్రంలో రకుల్ టైటిల్ రోల్ చేస్తున్నట్టు టాక్. ముందుగా ఈ పాత్రకు సమంతను ఎంపికచేసినప్పటికీ ఫైనల్గా రకుల్కే అవకాశం దక్కిందట. భారీగా బరువులు ఎత్తడం, కసరత్తులు చేయడం రకుల్గా బాగా అలవాటు కాబట్టి ఆమెను ఈ పాత్రకు ఎంపికచేసినట్టు టాక్. అయితే ఇందుకు సంబంధించిన అధికారిక ప్రకటన రావాల్సి ఉంది.
