సారథి న్యూస్, నాగర్కర్నూల్: యూపీలో రాష్ట్రపతి పాలన విధించాలని బీఎస్పీ జిల్లా అధ్యక్షుడు పసుపుల రామకృష్ణ డిమాండ్ చేశారు. ఉత్తరప్రదేశ్లో ఎస్సీ, ఎస్టీ, బీసీలు, మైనార్టీలు, మహిళలపై రోజురోజుకు అఘాయిత్యాలకు పెరిగిపోతున్నాయని, వాటిని నియంత్రించలేని ముఖ్యమంత్రి యోగి ఆదిత్యానాథ్ను బర్తరఫ్చేయాలని డిమాండ్ చేశారు. హత్రాస్లో దళిత యువతిపై జరిగిన దారుణ ఘటనను ఖండిస్తూ.. శనివారం నాగర్కర్నూల్ జిల్లా కేంద్రంలో కోవిడ్ నిబంధనలను పాటిస్తూనే భారీ ర్యాలీ నిర్వహించారు. అనంతరం భారతరత్న డాక్టర్ బీఆర్ అంబేద్కర్ విగ్రహం వద్ద రాస్తారోకో చేపట్టారు. ఈ సందర్భంగా ఆయన మాట్లాడుతూ.. కుటుంబసభ్యులకు కనీస సమాచారం ఇవ్వకుండా బాధితురాలు మృతదేహాన్ని దహనం చేసిన పోలీసులను కఠినంగా శిక్షించాలన్నారు. ఉత్తరప్రదేశ్లో రాష్ట్రపతి పాలన విధించాలని డిమాండ్ చేశారు. అనంతరం కలెక్టరేట్ అధికారులకు వినతిపత్రం అందజేశారు. కార్యక్రమంలో బీఎస్పీ జిల్లా ఉపాధ్యక్షుడు కొత్తపల్లి రవికుమార్, జిల్లా ప్రధాన కార్యదర్శి అంతటి నాగన్న, జిల్లా కార్యదర్శి గడ్డమీది వెంకటయ్య, పార్లమెంట్ కోఆర్డినేటర్ యేసేపు, షఫీ, నాగర్కర్నూల్ అసెంబ్లీ కమిటీ అధ్యక్షుడు బండి పృథ్వీరాజ్, కల్వకుర్తి నియోజకవర్గ అధ్యక్షుడు ఆంజనేయులు, కొల్లాపూర్ నియోజకవర్గ అధ్యక్షుడు మునిస్వామి, జైభీం శంకర్, కొట్ర బాలు, నల్లవెల్ల ఉపసర్పంచ్ నాగేష్, విష్ణు, నాగరాజు, రాంచందర్, మహేష్ తదితరులు పాల్గొన్నారు.
