రవితేజ ‘విక్రమార్కుడు’ సినిమా గుర్తుందా మీకు. ఆ సినిమా మరచిపోలేని వాళ్లంటూ ఎవరూ ఉండరేమో. కానీ రాజమౌళి డైరెక్షన్ వచ్చిన ఈ సినిమాకు అప్పుడే 14 ఏళ్లు నిండుతున్నాయి. కానీ విక్రమ్ సింగ్ రాథోడ్ అంటూ పోలీస్ గెట్లో రవితేజ మీసం మెలివేస్తూ చెప్పే డైలాగ్ సీన్ టీవీలో ప్రత్యక్షమైతే చాలు ఎవరైనా అతుక్కుపోయి కూర్చుండిపోతారు. అంత పవల్ ఫుల్గా చేశాడు రవితేజ. కానీ అంతకంటే ముందు ‘వెంకీ’ ఆ తర్వాత పవర్, ఖతర్నాక్, బెంగాల్ టైగర్, టచ్ చేసి చూడు.. పలు చిత్రాల్లో మళ్లీ మళ్లీ ఖాకీ చొక్కాలోనే కనిపించాడు రవితేజ. అంటే రవితేజకు పోలీస్ క్యారెక్టర్ అంటే ఎంత ఇంట్రెస్ట్ ఉందో అర్థమవుతోంది. ఇప్పుడు మళ్లీ తన తాజా చిత్రం ‘క్రాక్’లోనూ పోలీస్ క్యారెక్టరే చేస్తున్న రవితేజ.
నెక్ట్స్ చేయబోయే సినిమాలో కూడా ఈ క్యారెక్టరేనట. అయితే ఈ సినిమా ట్విస్ట్ ఏమిటంటే రవితేజ హీరోగా, విలన్ రెండు డిఫరెంట్ షేడ్స్లో కనిపిస్తాడట. అందుకే కాన్సెప్ట్ కు తగ్గట్టు ‘కిలాడీ’ అన్న టైటిను కూడా సజెస్ట్ చేశారని సమాచారం. కోనేరు సత్యనారాయణ ఈ సినిమాను నిర్మిస్తుండగా ‘వీర’ సినిమా తీసిన రమేష్ వర్మ డైరెక్షన్ చేస్తున్నాడు. రీసెంట్గా బెల్లంకొండ శ్రీనివాస్ ‘రాక్షసుడు’ సినిమాతో బంపర్ హిట్ అందుకున్నాడు రమేష్ వర్మ. ఈ సినిమా రవితేజ ఇమేజీకి తగిన విధంగా మాస్ ఎలిమెంట్స్తో కూడిన ఎంటర్ టైనర్గా ఉంటుందట..
